Dollari amerikan e ka nisur javën me tendencë negative, duke shënuar një rënie të ndjeshme të kuotës gjatë fundjavës. Këtë mëngjes ai është blerë me 81 lekë dhe është shitur me 82.2 lekë, nivel më i ulët krahasuar me javën e kaluar.
Ndërkohë, monedha europiane ka regjistruar një rritje të lehtë të vlerës gjatë dy ditëve të fundit. Euro është blerë sot me 96.2 lekë dhe është shitur me 96.8 lekë, sipas kursit të këmbimit në tregun vendas.
Edhe franga zvicerane ka shfaqur forcim gjatë fundjavës, duke fituar terren në raport me javën e shkuar. Ajo është blerë mëngjesin e sotëm me 104 lekë dhe është shitur me 105 lekë, duke e nisur javën në territor pozitiv.
Në të kundërt, paundi britanik nuk ka shënuar luhatje të ndjeshme të vlerës. Ai është blerë sot me 110.5 lekë dhe është shitur me 111.5 lekë, duke mbetur thuajse në të njëjtat nivele krahasuar me javën e kaluar, sipas tregut të brendshëm valutor. /skyweb.al
