Pas më shumë se pesë vitesh nga zhvillimi i ankandit, është nënshkruar marrëveshja për ndërtimin e Parkut Eolik të Spillesë, duke i hapur rrugë nisjes së punimeve.
Ministri i Infrastrukturës dhe Energjisë, Enea Karakaçi, bëri të ditur se projekti ka një kapacitet të instaluar prej 72.6 MW, ndërsa vënia në operim synohet në tremujorin e parë të vitit 2028.
Parku, i zhvilluar nga kompania austriake VERBUND, është i pari nga tre projektet eolike të përzgjedhura në ankand që ka përmbushur të gjitha kushtet për nisjen e punimeve në terren.
