Bizneset dhe organizatat jofitimprurëse do të kompensohen kur punonjësit e tyre aktivizohen në shërbimin ushtarak rezervist. Skema e miratuar nga qeveria më 28 tetor përfshin edhe të vetëpunësuarit.
Për punëdhënësit, kompensimi mbulon kontributet shoqërore e shëndetësore, tatimin mbi të ardhurat dhe diferencën mes pagës bruto në punë dhe asaj si rezervist, kur kjo e fundit është më e ulët.
Të vetëpunësuarve u mbulohen kontributet dhe tatimi. Ata duhet të provojnë aktivitet ekonomik real me të ardhura për të paktën tre muaj radhazi përpara aktivizimit.
Përfituesit duhet të jenë të regjistruar dhe të rregullt me kontributet. Për punonjësit kërkohet edhe dakordësia me shkrim e punëdhënësit.
Llogaritja mbështetet në deklarimet tatimore dhe ditët e aktivizimit. Dokumentacioni përfshin shkresën e Forcave të Armatosura, vërtetimet e pagës dhe kontributeve, si dhe dokumentet e subjektit. /skyweb.al
