Me nisjen e regjistrimeve për vitin e ri akademik, rikthehet një dilemë që për mijëra maturantë dhe prindër është vendim jetësor: A sjell universiteti kthim të vërtetë të investimit (ROI)?
Një studim ndërkombëtar tregon se gjysma e nxënësve të shkollave të mesme dyshojnë nëse universiteti ia vlen. Në Shqipëri, kjo pyetje është edhe më e mprehtë: sa programe universitare japin aftësi konkrete të përdorshme në treg? Sa institucione ofrojnë garanci reale punësimi?
Shumë universitete reklamojnë diplomën si qëllim në vetvete, por shmangin transparencën mbi atë që kërkon çdo student: “Çfarë pune do të kem pas diplomimit dhe a justifikon koston ky investim?”.
“Knowledge, Time & Money” nuk janë monedha për t’u shpenzuar kot, nëse universiteti nuk i kthen në punësim cilësor, rrjet profesional dhe zhvillim të matshëm, diploma mbetet thjesht një shpenzim i shtrenjtë.
Nga ana tjetër, ka institucione që kanë treguar se ROI në arsim është i prekshëm, i shpejtë dhe cilësor.
Por pyetja thelbësore mbetet: A po i përmbushin universitetet shqiptare pritshmëritë e brezit të ri, apo thjesht po shesin iluzione të shtrenjta?
Ekspertët e arsimit theksojnë rëndësinë e informimit real: maturantët dhe prindërit duhet të flasin me profesorë, studentë dhe alumni të universiteteve që synojnë, për të marrë një panoramë 360° mbi cilësinë e arsimit dhe mundësitë e punësimit.
“𝐍𝐝𝐢𝐪𝐧𝐢 𝐳𝐞𝐦𝐫ë𝐧 𝐭𝐮𝐚𝐣, 𝐩𝐨𝐫 𝐦𝐞𝐫𝐫𝐧𝐢 𝐞𝐝𝐡𝐞 𝐭𝐫𝐮𝐫𝐢𝐧 𝐦𝐞 𝐯𝐞𝐭𝐞”, thoshte Alfred Adler, një mesazh që sot tingëllon më aktual se kurrë për ata që zgjedhin universitetin si hapin e parë drejt të ardhmes. /skyweb.al
