Këshilli i Lartë i Prokurorisë ka shpallur sot zyrtarisht hapjen e garës për drejtuesin e ri të Strukturës së Posaçme kundër Korrupsionit dhe Krimit të Organizuar (SPAK).
Procedura zhvillohet tre muaj para përfundimit të mandatit të kryeprokurorit aktual, Altin Dumani, i cili u zgjodh në krye të SPAK më 16 dhjetor 2022. Pas mbarimit të detyrës si drejtues, Dumani do të vijojë punën si prokuror i posaçëm deri në përfundim të mandatit të tij 9-vjeçar.
Dumani është drejtuesi i dytë i SPAK, pas Arben Krajës, i cili u zgjodh i pari në dhjetor 2019 dhe drejtoi strukturën deri në dhjetor 2022. Me hapjen e garës nga KLP nis zyrtarisht procesi për përzgjedhjen e drejtuesit të tretë të kësaj prokurorie të posaçme. /skyweb.al
