Kryeministri Edi Rama, në Podcastin “Flasim”, këtë të diel u ndal edhe te situata me çmimin e naftës. Ai u shpreh se qeveria do të ndërhyjë, duke garantuar se do të jetë gjithmonë në anën e qytetarëve.
Kreu i qeverisë u shpreh se monitorimi do të jetë kohë pas kohe, për të mos lejuar abuzimet. Kreu i qeverisë tha se të ardhurat që do të mblidhen nga rritja e çmimit të naftës do të shkojnë për pensionistët.
“Çmimi i karburantit është një problem jo vetëm shqiptar, por edhe global. Është një temë që ka vëmendjen tonë të vazhdueshme orë pas ore, kemi ndërmarrë hapa konkretë. Është ngritur Task Forcë në Ministrinë e Ekonomisë dhe Financave, që të evidentohet çdo abuzim me rritjen e çmimit. Bordi i Transparencës do të sigurojë që nuk do ketë përfitues nga kriza.
Ulim me 20 përqind akcizën, sa herë që kalon mbi 220 lekë. Po monitorojmë tregun orë pas ore. Ne do të ndërhyjmë në të mirë të qytetarëve dhe kundër çdo parregullsie në këtë sektor, kaq të rëndësishëm e jetik. Të ardhurat që do të mblidhen nga rritja e çmimit të naftës do të shkojnë si ndihmë për pensionistët”, u shpreh Rama. /skyweb.al
