Të ngrënit vetëm në restorante nuk është më një përjashtim, ndërsa porositë për në shtëpi apo në vendin e punës janë bërë pjesë e zakonshme e stilit të jetesës në Europë. Këto janë disa nga tendencat më të fundit në fushën e gastronomisë, të prezantuara në Samitin Evropian të Shërbimit Ushqimor 2025, mbajtur në Amsterdam.
Zakonet ushqimore po ndryshojnë ndjeshëm, kryesisht si pasojë e ritmeve të vrullshme të punës. Nga viti 2010 deri në vitin 2019, shpenzimet për ushqimet e konsumuara vetëm janë rritur me 159%, duke reflektuar një transformim të qartë në mënyrën se si konsumatorët qasen ndaj ushqimit.
Po ashtu, koncepti i “gastronomisë sociale”, siç janë takimet për aperitivë apo meze, ka fituar gjithnjë e më shumë popullaritet dhe aktualisht përbën 31% të vakteve të konsumuara gjatë dymbëdhjetë muajve deri në qershor 2025.
Ndërkohë, porositë në distancë janë bërë thuajse të domosdoshme. Mungesa e kohës dhe angazhimet profesionale kanë bërë që dy të tretat e darkave në shtëpi të vijnë përmes porosive. Ky trend është në rritje të vazhdueshme dhe nuk ka shenja që do të ngadalësohet së shpejti. /Skyweb.al
