Sipas të dhënave të Instat, në muajin gusht u regjistruan 3.36 milionë hyrje në total, me një rritje prej 8.4 % në krahasim me gushtin 2024. Nga këto hyrje, rreth 2.4 milionë ishin shtetas të huaj, një rritje prej 9.9 % në raport me të njëjtin muaj të vitit të kaluar. Hyrjet e brendshme, nga ana tjetër, shënuan një rritje prej 5.1 %.
Megjithatë, shifrat për periudhën janar–gusht 2025 tregojnë se rritja për të huajt është ngadalësuar. Gjatë këtyre tetë muajve janë regjistruar 14.6 milionë hyrje, që përbën një rritje prej 5.9 % krahasuar me të njëjtën periudhë të vitit të kaluar. Por për të huajt, rritja gjatë kësaj periudhe është vetëm 5.2 %, një ndryshim i theksuar në krahasim me ritmin prej 18.7 % që ishte regjistruar në 2024.
Sipas INSTAT, 97 % e hyrjeve nga të huajt vijnë nga Evropa, ndërsa turizmi me qëllim personal ose për pushime përbën rreth 99 % të rasteve. /Skyweb.al
