Pasagjerët nëpër Shtetet e Bashkuara po paraqiten në aeroporte me pizhamë, pasi Sekretari i Transportit Sean Duffy u bëri thirrje udhëtarëve të visheshin më rregullt para fluturimeve.
Fushata e tij për etikë dhe sjellje në transport synonte të rikthente korrektësinë gjatë udhëtimit, por në vend të kësaj solli një valë protestash në rrjetet sociale.
“Vishuni mirë!” Vijnë rregullat e reja për pasagjerët e fluturimeve në SHBA
Udhëtarët publikuan video teksa ecnin nëpër terminale me pizhamë dhe shapka, duke përdorur komentet e ministrit si motiv për të kundërshtuar.
Shumë prej tyre argumentojnë se problemet e vërteta kanë të bëjnë me koston e biletave dhe cilësinë e shërbimit, jo me kodet e veshjes, duke thënë se prioritetet e qeverisë janë vendosur gabim.
Reagimi vjen në një kohë kur FAA raporton rritje të ndjeshme të sjelljeve të papërshtatshme në avionë që prej vitit 2019, një trend që fushata synonte ta frenonte.
Ende nuk dihet nëse kjo protestë ironike do të sjellë ndryshime reale në politika, por një gjë është e qartë: ajo ka shtuar edhe më shumë pakënaqësitë ndaj mënyrës se si po menaxhohet përvoja e udhëtimit ajror. /skyweb.al
