Deputetja e Kuvendit të Shqipërisë, Iris Luarasi, është zgjedhur anëtare e Asamblesë Parlamentare të Këshillit të Europës.
Luarasi më herët u zgjodh nënkryetare e Komisionit për të Drejtat e Njeriut dhe Mjetet e Informimit Publik në Kuvend, një nga komisionet kryesore të Parlamentit të Shqipërisë që trajton çështje të lirisë së shprehjes, mbrojtjes së të drejtave themelore të njeriut dhe forcimit të institucioneve demokratike.
Asambleja Parlamentare e Këshillit të Europës (PACE) është një nga institucionet kryesore të Këshillit të Europës, që mbledh parlamentarë nga 46 vende anëtare për të debatuar dhe miratuar rekomandime mbi çështje të demokracisë, sundimit të ligjit dhe të drejtave të njeriut. /skyweb.al
