Në një kohë kur shumë vende përballen me rënie të ndjeshme të normës së lindjeve, disa po zgjedhin qasje jo shumë tradicionale për të nxitur shtimin e popullsisë. Një ndër to është Polonia, e cila në vitin 2023 regjistroi vetëm 1.2 lindje për grua, një shifër shqetësuese në krahasim me normën prej 2.06 në vitin 1990.
Pikërisht në këtë realitet, një pronar hoteli polak ka vendosur të japë kontributin e tij në mënyrën më… romantike të mundshme. Ëładysłaë Grochoëski, pronar i zinxhirit të njohur të hoteleve Arche, ka shpallur një iniciativë të veçantë, çdo çift që ngjiz një fëmijë gjatë qëndrimit në një nga hotelet e tij do të përfitojë një festë falas për të festuar ardhjen e foshnjës. Hotelet Arche, të shpërndara në gjithë Poloninë, nga Lublini deri në Ërocłaë, numërojnë mbi 4,000 dhoma, të cilat Grochoëski i sheh si potencial për të ndihmuar shtimin e popullsisë, shkruan CNN.
Por mos u nxitoni të hiqni dorë nga kontraceptivët ende. Programi nuk është krejt i hapur për turistët rastësorë, çiftet duhet të jenë rezidentë të Polonisë dhe të paktën njëri nga prindërit duhet të jetë shtetas polak. Përveç festës, familja e fëmijës së parë të lindur në kuadër të kësaj nisme do të marrë edhe një karrocë dhe një paketë mirëseardhjeje si dhuratë.
Kjo nuk është hera e parë që industria e hotelerisë shfaq anën e saj të guximshme dhe krijuese. Në vitin 2020, zinxhiri kanadez Hotel Zed ofroi qëndrime falas për çiftet që ngjiznin një “beb Valentini”, ndërsa në vitin 2024, hoteli Walker Tribeca në Neë York u bë titull lajmesh me “paketën e vetëdashurisë”, një ofertë e veçantë për klientët që zgjidhnin ta kalonin vetëm natën e Shën Valentinit./Skyweb.al
