Kompania ajrore Virgin Australia ka nisur një shërbim quajtur “ulëse pa fqinj” që u jep pasagjerëve mundësinë të rezervojnë një vend bosh pranë vetes për më shumë hapësirë personale gjatë fluturimit.
Shërbimi është i disponueshëm në fluturimet kombëtare dhe ndërkombëtare të shkurtra të operuara nga Virgin Australia. Pasagjerët që kanë rezervuar në klasin ekonomik mund të blejnë ofertën online, për të lënë të zbrazët ulësen ngjitur me ta.
Nëse kërkesa miratohet, konfirmimi u dërgohet udhëtarëve të paktën dy orë para fluturimit. Në rast se vendi blihet nga një tjetër pasagjer përpara fluturimit, shuma i rimbursohet automatikisht ofertuesit.
Sipas një sondazhi të brendshëm të Virgin Australia në vitin 2023, një numër i madh pasagjerësh shprehën gatishmërinë për të paguar më shumë në këmbim të më shumë hapësirë dhe rehatie në fluturime të shkurtëra.
Shërbimi vjen si një përgjigje ndaj kërkesës për më shumë privatësi dhe përvojë më të mirë udhëtimi, sidomos në fluturimet e ngarkuara ku komoditeti shpesh mungon.
Të tjerë operatorë e aplikojnë këtë metodë si Qantas dhe Air France. /Skyweb.al
