Një grup studiuesish gjermanë ka zhvilluar një teknologji të re premtuese që mund të zbulojë praninë e virusit të gripit para se të shfaqen simptomat. Bëhet fjalë për një sensor molekular, i cili aktivizohet kur vjen në kontakt me pështymën e një personi të infektuar. Ky sensor është integruar në një çamçakëz dhe, nëse personi ka qenë i ekspozuar ndaj virusit, ai çliron një aromë të veçantë brenda 30 minutash.
Testimet laboratorike kanë treguar sukses të plotë dhe nuk janë vërejtur efekte anësore në qelizat e përfshira. Studiuesit paralajmërojnë se së shpejti do të nisin edhe testimet klinike tek njerëzit.
Aktualisht, nuk ekziston ndonjë metodë që mund të diagnostikojë gripin përpara shfaqjes së simptomave. Ky zhvillim i ri jo vetëm që është inovativ, por edhe ekonomik dhe lehtësisht i përdorshëm nga të gjithë. /Skyweb.al
