Në një kohë kur teknologjia po ndikon gjithnjë e më shumë në jetën tonë, edhe feja nuk ka mbetur jashtë këtij ndryshimi. Në Indi, por edhe në pjesë të tjera të botës, po shfaqen platforma të bazuara në inteligjencë artificiale që ofrojnë udhëzime shpirtërore përmes shkrimeve të shenjta.
Një prej tyre është GitaGPT, një chatbot i trajnuar me tekstin e Bhagavad Gita-s, që i përgjigjet pyetjeve si një formë dialogu me perëndinë hindu Krishna.
Vijay Meel, një student 25-vjeçar nga Rajasthan, thotë se kur ndjehej i humbur për shkak të dështimeve në provime, iu drejtua GitaGPT për këshilla. Përgjigja që mori: “Fokusoju veprimeve të tua dhe lëri mënjanë shqetësimet për rezultatin”, i dha motivimin që i mungonte.
“E kisha dëgjuar më parë, por më duhej dikush që të ma kujtonte në atë moment,” tha ai.
Fenomeni po përhapet edhe në besimet e tjera. Aplikacione si QuranGPT, Text ëith Jesus, apo edhe versione të AI me figura si Konfuci apo Martin Luteri po ofrojnë mundësinë që njerëzit të bisedojnë me “figura të shenjta” të krijuara nga teknkologjia.
Sipas antropologes amerikane Holly Ëalters, AI në religjion është tashmë realitet. Ajo thotë se në Indi, ku përfytyrimi fizik i hyjnores është i pranishëm në kultura dhe rituale, bashkimi mes teknologjisë dhe fesë po ndodh natyrshëm.
“Njerëzit ndihen të shkëputur nga komuniteti dhe tempujt,” thotë Ëalters. “Për shumë vetë, biseda me një AI për Zotin është një mënyrë për të gjetur përkatësi dhe qetësi shpirtërore.”
Inteligjenca artificiale, sipas saj, po bëhet “hyjnia e përbashkët” e një epoke të re. /Skyweb.al
