Një studim i fundit i shkencëtarëve japonezë ka treguar se njerëzit e thinjur mund të jenë më të mbrojtur nga melanoma.
Thinjet shfaqen si rezultat i një mekanizmi mbrojtës antitumoral të organizmit. Ato lindin për shkak të dëmtimit të qelizave staminale, të cilat zgjedhin të vete eliminohen në vend që të vazhdojnë të shumohen. Ky proces ndihmon në parandalimin e zhvillimit të melanomës, një tumor i lëkurës. Studimi u krye në laborator duke përdorur kaviet në Universitetin e Tokyos dhe u publikua më pas në revistën shkencore Nature Cell Biology.
Sipas autorëve, kjo nuk do të thotë se thinjat vetë “mbrojnë” nga tumorët, por tregon një nga rrugët që qelizat staminale mund të ndjekin për të shmangur rritjen e qelizave të dëmshme. Në rastin e flokëve, qelizat staminale që prodhojnë pigment për të dhënë ngjyrë lëkurës dhe flokëve dëmtohen në nivelin e ADN-së. Kur kjo ndodh, ato diferencohen dhe shkëputen në mënyrë të pakthyeshme, duke bërë që fijet e flokëve të humbasin ngjyrën dhe të bëhen gri.
Rezultatet e studimit tregojnë se popullata e qelizave staminale mund të zgjedhë rrugë të ndryshme: ose vetëflijim për të mbrojtur organizmin, ose zgjerim për rritje dhe rigjenerim, në varësi të llojit të stresit dhe sinjaleve të mjedisit të tyre.
Ky mekanizëm tregon se procesi i thinjes dhe zhvillimi i melanomës janë të lidhura me njëri-tjetrin, duke reflektuar reagimin e trupit ndaj faktorëve të jashtëm dhe dëmtimeve. /Skyweb.al
