Ekspertë në ministrinë e Arsimit janë duke punuar për ndryshime të kurrikulave shkollore. Skyweb.al mëson se fillimisht po punohet me tekstet e klasave fillore.
Ndryshimet në tekste vinë si nevojë e domosdoshme, duke e vënë fokusin tek përmirësimi i aftësive të nxënësve, duke i përshtatur gjithashtu me zhvillimet e kohës. Rëndësi do t’i kushtohet edhe pjesëve të kurrikulave të përkthyera, ku janë evidentuar raste të mospërshtatjes së saktë me gjuhën shqipe.
Tekstet e ndryshuara do të jenë në duart e nxënësve duke filluar nga shtatori i vitit 2026, ndërsa puna do të vijojë, sipas ministrisë së Arsimit deri në vitin 2029, ku do të përfundojë dhe zbatimi i planit për të ndryshuar tërësisht të gjitha kurrikulat e arsimit parauniversitar në vend.
Tekstet shkollore kanë qenë shpesh në qendër të diskutimeve, ku shpesh për to janë ankuar edhe prindërit. Ndërkohë, në fokus të do të jenë edhe zhvillimi i të menduarit kritik, aftësive krijuese dhe teknkologjia përmes projekteve inovatore.
Së fundmi Inteligjenca Artificiale është gjithashtu në fokus të programeve mësimore, ku në disa shkolla të vendit janë ngritur laboratorët “Smart”, ku nxënësit punojnë për projekte të ndryshme.
Me ndryshimin e programit mësimor, planifikohet edhe që mësuesit të trajnohen mbi mënyrën e re të mësimdhënies. /Skyweb.al
