Lagardère Travel Retail Albania ka realizuar një investim të rëndësishëm në kuadër të angazhimit të saj për Corporate Social Responsibility (CSR), duke krijuar një laborator të ri informatike në shkollën “Rexhe Deliu” në Rinas.
Ky projekt synon të përmirësojë cilësinë e edukimit dhe të ofrojë mundësi më të mira për nxënësit në zhvillimin e aftësive digjitale, të cilat janë thelbësore për të ardhmen.
Laboratori i ri është pajisur me kompjuterë modernë dhe infrastrukturë teknologjike që do t’u mundësojë nxënësve të kenë akses në mësimdhënie bashkëkohore dhe të përgatiten për sfidat e epokës digjitale.
Ky investim është pjesë e strategjisë së Lagardère për të kontribuar në komunitetet ku operon, duke mbështetur arsimin dhe zhvillimin e brezave të rinj.
“Ne besojmë se edukimi është çelësi për një të ardhme më të mirë. Përmes këtij investimi, synojmë të fuqizojmë nxënësit me njohuri dhe aftësi që do t’i ndihmojnë të jenë konkurrues në tregun e punës dhe të kontribuojnë në zhvillimin e vendit,” – u shpreh përfaqësuesi i Lagardère Travel Retail Albania.
Ky projekt është një hap i rëndësishëm drejt përmbushjes së objektivave të përgjegjësisë sociale të korporatës, duke treguar angazhimin e kompanisë për të sjellë vlera reale në komunitet. /skyweb.al
