Dollari amerikan ka shënuar rënie për herë të parë këtë javë, pas një serie rritjesh që nga e hëna. Mëngjesin e sotëm ai është këmbyer me 82.9 lekë në blerje dhe 84.1 lekë në shitje, duke zbritur krahasuar me një ditë më parë.
Ndërkohë, monedha europiane ka vijuar të mbetet e qëndrueshme, pa luhatje domethënëse në kursin e saj. Euro është blerë këtë të mërkurë me 96.3 lekë dhe është shitur me 97 lekë, në të njëjtat nivele krahasuar me ditën e djeshme.
Franga zvicerane ka shënuar rritje të lehtë të vlerës, duke u blerë sot me 102.9 lekë dhe duke u shitur me 103.9 lekë, sipas të dhënave të tregut vendas të këmbimit valutor.
Ndërsa paundi britanik ka regjistruar luhatje të vogla, me një rënie të lehtë krahasuar me një ditë më parë. Sot ai është blerë me 109.2 lekë dhe është shitur me 110.3 lekë.
