Komisioni i Përzgjedhjes në SPAK, në mbledhjen e zhvilluar sot më 26 nëntor, në prani të përfaqësuesve të ICITAP-it dhe Bashkimit Europian, vendosi t’i propozojë Këshillit të Lartë të Prokurorisë emërimin e Joni Ketës si Drejtor i Byrosë Kombëtare të Hetimit, për një mandat pesëvjeçar.
Vendimi u mor pas përfundimit të procesit të vettingut dhe verifikimit të pastërtisë së figurës për kandidatët në garë për drejtimin e BKH-së. Rezultatet e këtyre kontrolleve iu paraqitën më parë komisionit të përbërë nga kreu i SPAK-ut, Altin Dumani, si edhe anëtarët Arben Kraja dhe Behar Dibra. /Skyweb.al
