Në takim morën pjesë Ilir Alimehmeti, Hysen Kadiu, Aulon Kalaja, Gent Cela, Qani Xhafa, Ted Kopliku, Xhemal Gjunkshi, Alma Kore, Pardid Mahmutaj, Nada Daullja dhe kandidatë të tjerë të renditur lart në votime.
Grupi përfaqëson bërthamën e re të mbështetjes reale të PD-së në bazë, duke reflektuar rezultatin e votimeve të fundit dhe besimin qytetar ndaj tyre.
Sipas burimeve nga tryeza, Salianji kërkoi rikthimin e funksionimit të plotë të Këshillit Kombëtar, organit më të gjerë përfaqësues të PD-së, si mekanizëm për të garantuar meritokraci, transparencë dhe debate të hapura politike.
Ai theksoi se vendimet e rëndësishme duhet të kalojnë nga strukturat legjitime, duke shmangur modelin informal të drejtimit dhe duke rikthyer frymën kolegjiale në parti.
Diskutimet u fokusuan te nevoja për të ringritur ADN-në fituese të PD-së, për të hapur strukturat dhe për të rritur besimin e votuesve te kandidatët që kanë marrë mbështetje reale.
Pjesëmarrësit u shprehën se vetëm përmes funksionimit të Këshillit Kombëtar dhe rikthimit të mekanizmave statutore, PD mund të rifitojë rolin e saj si parti moderne, transparente dhe përfaqësuese.
Ky takim shihet si sinjali i parë i një ristrukturimi të mundshëm të PD-së nga poshtë-lart, duke vënë në qendër njerëzit që kanë marrë vota dhe jo emërimet formale.
Për demokratët, është një lëvizje që mund të hapë rrugën për rikthimin e legjitimitetit institucional dhe një model të ri vendimmarrjeje brenda partisë. /skyweb.al
