Shpërndarja e bonusit të fundvitit për pensionistët ka avancuar me ritme të shpejta gjatë tre ditëve të para. Sipas të dhënave të publikuara, 96,292 pensionistë e kanë tërhequr tashmë pagesën shtesë.
Nga këta, 29,432 pensionistë kanë përfituar shumën prej 10,000 lekësh, ndërsa 66,860 pensionistë kanë marrë bonusin prej 15,000 lekësh, sipas kategorive të përcaktuara nga vendimi i qeverisë.
Procesi i shpërndarjes së bonusit po vijon në të gjithë vendin dhe pritet të përfshijë të gjithë pensionistët që përfitojnë nga vendimi për shpërblimin e fundvitit. /skyweb.al
