Dollari amerikan e ka nisur javën në territor negativ, pasi gjatë fundjavës ka pësuar një rënie të ndjeshme të vlerës. Këtë mëngjes, monedha amerikane është blerë me 81 lekë dhe është shitur me 82 lekë, në rënie krahasuar me javën e kaluar.
Ndërkohë, euro nuk ka shënuar ndryshime të rëndësishme as gjatë kësaj fundjave në raport me javën e shkuar. Sipas kursit të këmbimit lokal, ajo blihet sot me 96.2 lekë dhe shitet me 96.9 lekë.
Franga zvicerane ka regjistruar një rritje të lehtë gjatë dy ditëve të fundit, duke u blerë mëngjesin e sotëm me 104.6 lekë dhe duke u shitur me 105.6 lekë, më lart se nivelet e javës së kaluar.
Nga ana tjetër, paundi britanik është dobësuar gjatë fundjavës, duke humbur pikë kundrejt lekut. Sot ai blihet me 109.9 lekë dhe shitet me 111 lekë, sipas tregut të brendshëm valutor. /skyweb.al
