Qeveria gjermane planifikon të porosisë dronë sulmues me vlerë 536 milionë euro nga startup-et gjermane Helsing dhe Stark Defence, në kuadër të strategjisë së riarmatimit pas sulmit të Rusisë ndaj Ukrainës.
Sipas fillimisht nga revista Spiegel dhe të cituara nga Reuters, kontratat për armë ajrore pa pilot, të njohura si dronë kamikazë, janë pjesë e një marrëveshjeje kornizë më të gjerë me vlerë 4.3 miliardë euro.
Këta dronë janë të projektuar për të qëndruar pezull mbi zonën e objektivit përpara se të kryejnë goditjen.
Dokumentet e siguruara nga Reuters tregojnë se kontratat pritet të marrin miratimin formal nga Komisioni i Buxhetit i Bundestagut, dhoma e ulët e parlamentit gjerman, një hap i domosdoshëm për finalizimin e marrëveshjes.
Dronët do të përdoren fillimisht për të mbështetur Brigadën e 45-të të Tankeve të Gjermanisë, e cila është e dislokuar në Lituani, si pjesë e forcimit të pranisë ushtarake në krahun lindor të NATO-s.
Sipas dokumenteve, kontratat me dy kompanitë do të kenë një afat shtatëvjeçar, ndërsa dërgesa e parë e dronëve është planifikuar të realizohet në fillim të vitit 2027.
Vendimi vjen në një kohë kur Berlini ka rritur ndjeshëm shpenzimet për mbrojtjen dhe ka nisur një program të gjerë modernizimi të forcave të armatosura, në përgjigje të ndryshimeve të thella në arkitekturën e sigurisë evropiane pas luftës në Ukrainë.
