Aeroporti Ndërkombëtar i Tiranës këshillon pasagjerët të paraqiten tre orë para fluturimit në datat 15 dhe 16 maj, për shkak të masave të shtuara të sigurisë dhe trafikut të rënduar që pritet në kryeqytet.
Në këto data, në Tiranë do të zhvillohet Samiti i Komunitetit Politik Europian, që do të mbledhë liderë nga e gjithë Europa, duke sjellë masa të rrepta sigurie dhe bllokime rrugore në disa zona të qytetit.
Për këtë arsye, Aeroporti Ndërkombëtar “Nënë Tereza” u bën thirrje të gjithë pasagjerëve që kanë fluturime më 15 dhe 16 maj të planifikojnë udhëtimin drejt aeroportit me kohë të mjaftueshme dhe të paraqiten të paktën tre orë përpara nisjes së fluturimit.
Autoritetet paralajmërojnë gjithashtu për vonesa të mundshme dhe trafik të rënduar përgjatë akseve kryesore që lidhin qytetin me aeroportin./skyweb.al
