Drejtuesi i Strukturës së Posaçme kundër Korrupsionit dhe Krimit të Organizuar, Klodjan Braho, ka reaguar me një mesazh publik ku thekson se SPAK do të vijojë goditjen ndaj krimit të organizuar dhe ndaj çdo zyrtari që përfshihet në bashkëpunim me të.
Përmes një postimi në rrjetet sociale, Braho deklaroi se struktura që ai drejton do të vazhdojë të përdorë të gjitha instrumentet ligjore për të luftuar aktivitetet kriminale dhe lidhjet e tyre me funksionarë publikë.
Sipas tij, prioritet mbetet goditja jo vetëm e grupeve kriminale, por edhe e çdo zyrtari që bashkëpunon apo lehtëson veprimtarinë e tyre.
“Ne do të vijojmë të godasim me forcën e ligjit krimin e organizuar, si dhe çdo funksionar publik që bashkëpunon apo lehtëson veprimtarinë e krimit të organizuar”, shkruan Braho në reagimin e tij.
Mesazhi i kreut të SPAK vjen në një moment kur institucioni po zhvillon disa hetime të rëndësishme që lidhen me korrupsionin dhe aktivitetin e grupeve të strukturuara kriminale në vend. /skyweb.al
