Çmimi i naftës në tregun vendas ka pësuar një tjetër rritje të fortë brenda 24 orëve të fundit, duke u shtrenjtuar me rreth 12 lekë për litër.
Në disa pika karburanti në Tiranë, siç janë ato të kompanisë EiDA, një litër naftë po tregtohet deri në 214 lekë, duke arritur një nga nivelet më të larta të muajve të fundit.
Rritja vjen në një periudhë tensioni në tregjet ndërkombëtare të energjisë, pas përshkallëzimit të konfliktit në Lindjen e Mesme. Që nga nisja e këtij konflikti, çmimi i naftës në Shqipëri ka shënuar një rritje të ndjeshme, me rreth 40 lekë për litër.
Para shpërthimit të luftës, nafta tregtohej në intervalin 173 deri në 175 lekë për litër, ndërsa aktualisht ka kaluar pragun e 200 lekëve, duke rënduar drejtpërdrejt kostot për qytetarët dhe bizneset. /skyweb.al
