Bordi i Transparencës ka miratuar këtë të mërkurë, çmimet e reja të karburanteve. Ndikuar nga aritja e armëpushimit 2-javor mes SHBA-ve dhe Iranit, bordi e ka ulur cmimin, por vetëm me 4 lekë.
Kështu, nga 224 lekë që ishte më parë, nga sot nafta me pakicë, do lejohet të shitet jo më shumë se me 220 lekë për litër. Ndërkohë benzina ka mbetur e pandryshueshme.
Çmimet e reja tavan të përcaktuara nga bordi do të jenë këto:
-Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 220 lekë/litri, ndërsa i shitjes me shumicë jo më shumë se 208 lekë/litër.
-Çmimi i shitjes me pakicë i nënproduktit benzinë e standardit SSH EN të jetë jo më shumë se 181 lekë/litri, ndërsa i shitjes me shumicë jo më shumë se 169 lekë/litër.
Çmimet e reja të caktuara nga Bordi do të hynë në fuqi sot në orën 15.30 dhe do të jenë të vlefshme deri në mbledhjen e ardhshme, ku do të pasqyrohen ndryshimet e çmimeve të shitjes.
Mes të tjerash, Bordi ka përsëritur thirrjen ndaj të gjithë operatorëve të tregtimit të karburanteve, si me shumicë ashtu edhe me pakicë, të zbatojnë në mënyrë rigoroze këtë vendim. Pasi në rast të shkeljeve, paralajmërohet pezullim i aktivitetit.
