Policia e Tiranës ka arrestuar punonjësin e sigurisë së OTP Bank, ku një ditë më parë ndodhi një grabitje brenda ambienteve të bankës në kryeqytet.
Sipas burimeve, roja akuzohet se nuk ka vepruar në momentin e grabitjes për të neutralizuar autorin. Punonjësi i sigurisë dyshohet se nuk ka ndërhyrë gjatë ngjarjes, duke mos kryer veprimet e nevojshme për të ndaluar personin që kreu grabitjen.
Ngjarja ndodhi teksa një qytetare ndodhej brenda ambienteve të bankës për të kryer një depozitim. Mësohet se autori ka arritur t’i marrë asaj rreth 10 mijë paund.
Përveç shumës që i është marrë qytetares, autori ka mundur të marrë edhe para nga arka e bankës. Ende nuk është bërë e ditur shuma totale e grabitur.
Policia vijon hetimet për identifikimin dhe kapjen e autorit të grabitjes, si dhe për zbardhjen e plotë të rrethanave të ngjarjes. /skyweb.al
