Drejtoria e Përgjithshme e Tatimeve u ka bërë thirrje tatimpaguesve që kanë deklarata tatimore të padorëzuara për periudhat deri më 31 dhjetor 2024, t’i dorëzojnë ato brenda datës 30 qershor 2026.
Sipas njoftimit zyrtar, subjektet që plotësojnë këtë detyrim brenda afatit do të përfitojnë nga fshirja e gjobave të vendosura për mosdeklarimin në kohë.
Administrata Tatimore paralajmëron se tatimpaguesit që nuk respektojnë afatin ligjor do të humbasin të drejtën për të përfituar nga kjo lehtësi e parashikuar në ligj.
Tatimet kanë ftuar qytetarët dhe bizneset të informohen më tej për procedurat dhe kushtet e përfitimit përmes njoftimeve zyrtare të publikuara në faqen e institucionit.
