Platforma ndërkombëtare e parashikimeve dhe basteve politike Polymarket vlerëson aktualisht me rreth 45% mundësinë që kryeministri shqiptar, Edi Rama, të mos jetë më në detyrë deri më 31 dhjetor 2026.
Sipas tregut të hapur në platformë, skenari do të konsiderohet i realizuar nëse Rama largohet nga posti i kryeministrit në çdo moment gjatë kësaj periudhe, qoftë përmes dorëheqjes, shkarkimit apo çdo forme tjetër largimi nga detyra.
Rregullat e tregut parashikojnë që rezultati “Po” do të shpallet fitues edhe në rast se njoftimi për largimin e tij bëhet përpara afatit të përcaktuar, pavarësisht se kur hyn në fuqi vendimi.
Verifikimi i rezultatit do të bazohet në informacionet zyrtare të publikuara nga vetë Rama ose nga qeveria shqiptare, ndërsa në mungesë të tyre mund të merret në konsideratë edhe konsensusi i raportimeve nga media ndërkombëtare të besueshme.
