Të dielën e fundit të tetorit, qytetarët do të kalojnë në orën dimërore, duke i zhvendosur akrepat e orës 60 minuta pas.
Ndryshimi do të ndodhë në orën 03:00 të mëngjesit, kur ora do të kthehet në 02:00. Ky ndryshim mundëson një orë më shumë gjumë, por njëkohësisht shoqërohet me më pak orë me dritë gjatë pasdites.
Ndikimi i ndryshimit të orës është i ndryshëm për qytetarët. Ndërsa për disa ky kalim është i mirëpritur, për të tjerë mund të sjellë vështirësi në përshtatjen e rutinës së përditshme, organizimin e aktiviteteve dhe orarin e punës.
Ndryshimi i orës bëhet çdo vit, në të dielën e fundit të tetorit për kalimin në orën dimërore dhe në të dielën e fundit të marsit për kalimin në orën verore.
Ky sistem është në fuqi që prej vitit 1981, ndërsa ndër vite janë ngritur vazhdimisht propozime për shfuqizimin e tij, për shkak të debateve mbi ndikimin në jetën e përditshme dhe organizimin e shoqërisë. /skyweb.al
