Elbasani, Gramshi dhe Librazhdi do të përballen në ditët e para të muajit mars me ndërprerje të programuara të energjisë elektrike për shkak të manovrimeve teknike dhe masave të sigurisë në rrjetin e transmetimit.
Operacionet lidhen me stakimin e Linjës 400 kV Fier – Elbasan – Qafë Thanë dhe ndërhyrjet në disa linja 35 kV dhe 10 kV, të cilat do të sjellin ndërprerje të shkurtra energjie në zona të ndryshme.
Në Elbasan ndërprerjet do të jenë vetëm 5-minutëshe në datat 2–4 mars, ndërsa nga ora 08:00 deri në 17:00 do të stakohet Linja 35 kV Mjekës – Kombinati i Drurit. Pa energji për disa minuta do të mbeten zona si Ital Druri, lagjja “Skënderbej”, Fabrika e Tullës, Shushica, Fushë Bull, Shirgjan, Reparti Mjekës dhe disa fshatra përreth.
Në Gramsh ndërprerjet do të ndodhin më 2 dhe 5 mars nga ora 06:00 deri në 06:05 për shkak të stakimit të linjës 35 kV Mjekës – Banjë.
Do të preken nënstacionet Gramsh dhe Cërrunjë, impianti fotovoltaik i Banjës, disa hidrocentrale si dhe një numër i madh lagjesh dhe fshatrash në të gjithë zonën.
Ndërkohë në Librazhd ndërprerjet do të zhvillohen gjatë datave 2–4 mars, në intervalin 08:00–17:00, për shkak të stakimit të fiderit F7 të nënstacionit Kombinati i Drurit.
Pa energji do të mbeten zona si Shirgjan, Reparti Mjekës, fshatrat Mjekës dhe Kryezjarr.
Autoritetet energjetike sqarojnë se ndërprerjet do të jenë të shkurtra dhe të kontrolluara dhe kanë si qëllim garantimin e sigurisë së rrjetit. Konsumatorëve u rekomandohet të marrin masa për mbrojtjen e pajisjeve elektrike gjatë intervaleve të stakimit. /skyweb.al
