Kryeministri Edi Rama do të pyetet si dëshmitar në dosjen Partizani, ku po gjykohet ish kryeministri Sali Berisha, dhëndri i tij Jamarbër Malltëzi dhe 4 të tjerë për dyshimet se janë përfshirë në korrupsion e pastrim parash.
Mësohet se Gjykata e Posaçme ka pranuar kërkesën e avokatëve për të pyetur kreun e qeverisë. Kryeministri do të jap shpjegime përballë gjykatës si dëshmitar për detyrën e tij si kryebashkiak i Tiranës, ku sipas avokatëve është personi që ka firmosur ndryshimin e terrenit të ish kompleksit Partizani, nga sportiv për ndërtim.
Ndërkohë, i pari që do të japë dëshmi në seancën e radhës në 30 prill do të jetë edhe kreu i grupit parlametar të PS, Taulant Balla./ skyweb.al
