Drejtoria e Përgjithshme e Tatimeve, ka njoftuar se të gjithë tatimpaguesit e sektorit të turizmit, në kuadër të zbatimit të planit sektorial të turizmit dhe rritjes së pagesave për sigurimet shoqërore në funksion të rritjes së pensioneve, Administrata Tatimore do të analizojë pagat e punonjësve të deklaruar në listëpagesa. E kësisoj, u publikua dhe lista e pagave indikative për të gjithë punonjësit e këtij sektori.
Por, për ekspertët fiskal ky njoftim është pritur me kundërshtime. Referuar një analize të qendrës ALTAX, shpjegon se të detyruar për të deklaruar paga më të larta, bizneset do të përballen me dilemën e çmimeve. Dhe se rritja deklarimit të pagave, bizneset e vogla janë të detyruara të rishikojnë marrëveshjet e punësimit për t’ju shmangur penaliteteve duke sjellë rritje të kostove operative, zvogëlim të përkohshëm të marzhit të fitimit si dhe shtyrje të kontraktimeve ose formalizimit të punonjësve sezonalë.
Sipas ALTAX, ky ndryshim do të ketë ndikim sesi punëtorët do të negociojnë kontratat dhe si punëdhënësit do të strukturojnë marrëdhëniet e punës, e nga ana tjetër, punëdhënësit do të mund të shmangin deklarimet, duke rritur kështu evazionin fiskal.
Por cili ishte vendimi i qeverisë në 2008 që e rrezoi Kushtetuesja?
ALTAX, rikthen në kujtesë VKM-në, e cila kishte të bënte me një page referuese për tatimin e profesionistëve të lirë dhe të vetëpunësuarëve. Ishte Gjykata Kushtetuese dhe Administrative që e cilësuan si cënim të të drejtave ekonomike dhe barazizë në taksim.
Ndër të tjera, ALTAX thekson se zbatimi i listës së pagave indicative për sektorin e turizmit përbën një zhvillim të rëndësishëm i cili ndikon në sjelljen e bizneseve të sektorit të shërbimeve duke nisur nga ndikimi në strukturën e kostove të biznesit turistik, efektet potenciale në çmime dhe konkurrencë si dhe impaktin e tregut të punës dhe kontraktimet./Diamila Leka-tvscan
*Titulli është i redaksisë
