Instituti i Sigurimeve Shoqërore ka njoftuar pensionistët se sot është afati i fundit për tërheqjen e shpërblimit të fundvitit 2025.
Sipas ISSH, për shkak të numrit të lartë të kërkesave për tërheqjen e pensioneve dhe bonusit, është hapur përkohësisht sistemi i pagesave të pensioneve.
Instituti kujton se, në zbatim të vendimit të Këshillit të Ministrave nr. 711, datë 26 nëntor 2025, afati i fundit për tërheqjen e shpërblimit është data 30 qershor 2026.
Për këtë arsye, të gjitha qendrat paguese të Postës Shqiptare do të qëndrojnë të hapura edhe sot deri në orën 14:00.
ISSH bën me dije se kjo masë është marrë për t’u mundësuar pensionistëve të tërheqin pensionet dhe shpërblimin e fundvitit brenda afatit të përcaktuar.
