Dollari amerikan, pasi shënoi një ecuri relativisht pozitive gjatë javës, pësoi rënie në ditën e djeshme, duke e mbyllur javën në territor negativ. Megjithatë, këtë të premte nuk u regjistruan luhatje të ndjeshme, me monedhën amerikane që blihet me 81.2 lekë dhe shitet me 82.2 lekë.
Edhe euro vijon të ruajë një ecuri të qëndrueshme në tregun vendas të këmbimit valutor. Sipas kursit të këmbimit, monedha europiane nuk ka pësuar ndryshime të konsiderueshme krahasuar me një ditë më parë, duke u blerë këtë mëngjes me 93.2 lekë dhe duke u shitur me 94 lekë.
Ndërkohë, franga zvicerane e mbyll javën në rritje, duke shënuar një forcim të dukshëm të vlerës në raport me ditën e djeshme. Ajo blihet sot me 100.5 lekë dhe shitet me 101.7 lekë.
Në të kundërt, paundi britanik ka regjistruar një rënie të lehtë këtë të premte, duke e mbyllur javën me bilanc negativ. Në tregun e brendshëm valutor, ai blihet me 109.3 lekë dhe shitet me 110.5 lekë, në krahasim me kuotimet e një dite më parë.
