Kryeministri Edi Rama foli sot përmes një video mesazhi në rrjetet sociale për Paketën e Maleve dhe të gjitha aludimet që kanë qarkulluar mbi të. Sipas kryeministrit qytetarët mezi po e presin këtë paketë.
“Për disa që malet i shohin nga qyteti, se unë nuk kam parë nga këta që preken nga kjo paketë që të çohen dhe të thonë që po na merren pronat, po na zhveshin nga atdheu. Ata mezi e presin! Ndërkohë që shitet në tregun e fjalëve si një tjetër akt tradhtie!”, tha kreu i qeverisë.
“Zvicra e vogël do bahet, se s’ban”, iu përgjigj me ironi një qytetareje. “Si bahet kjo Zvicra e vogël? Bëhet pikërisht duke u dhënë mundësi njerëzve që të investojnë në harmoni me natyrën dhe të krijojnë mirqenie pa qenë të detyruar t’i braktisin ato male”, shtoi ai. /skyweb.al
