“Ky është një kontribut i rëndësishëm për modernizimin e infrastrukturës së pagesave, rritjen e aksesit në shërbime të sigurta dhe të përshtatshme, si dhe për zgjerimin e përfshirjes financiare nëpërmjet teknologjive digjitale,” deklaroi Banka e Shqipërisë.
Shqipëria kishte tashmë akses në Google Pay, por përfshirja e Apple Pay vjen si një plotësim i ekosistemit të shërbimeve moderne të pagesave mobile. Ky shërbim garanton siguri të lartë dhe thjeshtësi në përdorim për ata që përdorin iPhone, Apple Watch apo pajisje të tjera të Apple.
Banka e Shqipërisë bëri të ditur se mbështet plotësisht sektorin bankar në angazhimin për të qenë pjesë e këtyre nismave digjitale dhe në ndërtimin e një sistemi financiar efikas, gjithëpërfshirës dhe të qëndrueshëm, në përputhje me objektivat e transformimit digjital të vendit. /skyweb.al
