Prokuroria e Posaçme Antikorrupsion dhe Policia e Shtetit kanë zhvilluar një aksion në qytetin e Durrësit. Deri më tani janë lëshuar 9 masa sigurie.
Mësohet se në në pranga ka rënë Enea Kume, vëllai i deputetit të Partisë Socialite Loer Kume. Enea Kume akuzohet për tjetërsim pronash në zonën e Gjirit të Lalëzit.
Gjithashtu është arrestuar edhe Vullnet Muça, vëllai i Aleksandër Lahos, i njohur ndryshe si “Rrumi i Shijakut”.
Objektiv i operacionit ishte pikërisht Aleksandër Laho, por ky i fundit nuk është gjetur në banesën ku janë bërë kontrolle dhe mendohej të ishte aty.
Laho është personazh i njohur për drejtësinë. Ai ishte në makinë me ish-prokurorin Arjan Ndoja, kur këtij të fundit iu bë atentat në vitin 2019. /Skyweb.al
