Banka Qendrore Europiane i ka bërë thirrje kryeministres italiane që të rishqyrtojë propozimin që rezervat e arit të vendit, që sot mbahen dhe administrohen nga banka qendrore të deklarohen si pronë e popullit italian. Sipas BQE-së, një dispozitë e tillë duhet të kalojë një konsultim të detyrueshëm me Banken e Italise për të mos cenuar pavarësinë e institucionit. Italia zotëron rreth 2,452 ton ar, një prej rezervave më të mëdha kombëtare në botë me vlerë të tregut prej rreth 285 miliardë euro. Ligjvënësit e forcës së qeverisë, propozuan të përfshinin në ligjin e buxhetit deklaratën se “ari i menaxhuar dhe i mbajtur nga Bank of Italy i përket popullit italian”, argument duke thënë se është një konfirmim i “parimit të pronësisë publike”. Por kritikët paralajmërojnë se nisma mund të hapë rrugën për privatizim ose shitje të rezervave dhe të minojë në mënyrë të rëndë pavarësinë e bankës.
Në reagimin e BQE-s, thuhet se traktatet e Bashkimit Evropian nuk njohin “konceptin e pronësisë” për rezervat e arit, por u japin bankave qendrore kombëtare drejtën ekskluzive për menaxhim, përfshirë blerje, shitje apo të tjerë veprime, pa ndërhyrje politike. Çdo transferim i rezervave nga bilanci i Bank of Italy në llogari publike do të ishte i ndaluar.
Në demokraci, zyrtarët italianë dhe mbështetësit e amendamentit mund të argumentojnë se koncepti i “pronesisë së popullit” synon ruajtjen e pasurisë kolektive. Por për institucione si BQE dhe për rregullat e BE-s, ky lloj ligjshmërie përbën një rrezik për autonominë institucionale dhe për stabilitetin e politikës monetare. Është e paqartë se si do të përfundojë debati, por me siguri çështja ka ndezur alarm për risqe strukturore ndaj pavarësisë së bankave qendrore. /Skyweb.al
