Estonia ka nisur përgatitjet paraprake për ndërtimin e pesë bunkerëve, me synimin për të forcuar mbrojtjen e kufirit ndaj kërcënimeve të mundshme nga Rusia, bëri të ditur sot Qendra Estoneze për Investime në Mbrojtje.
Institucioni me seli në Talin njoftoi se gjatë muajve në vijim do të ndërtohen edhe 23 vendstrehime të tjera, ndërsa deri në fund të vitit 2027 numri i përgjithshëm i bunkerëve pritet të arrijë rreth 600.
Bunkerët, të cilët do të ngrihen në zonat verilindore dhe juglindore të vendit, janë projektuar kryesisht për të mbrojtur ushtarët nga goditjet e drejtpërdrejta të artilerisë.
Po ashtu, sipas qendrës, së shpejti pritet të nisë edhe gërmimi i një transheje kundërtanke, e cila do të shtrihet në një gjatësi prej rreth 3.4 kilometrash.
Estonia, së bashku me fqinjët e saj baltikë, Letoninë dhe Lituaninë, po intensifikon masat e sigurisë përgjatë kufirit me Rusinë, duke ndërtuar instalime mbrojtëse dhe barriera fizike.
