Elon Musk ka kritikuar ashpër arkitektin e luftës tregtare të Donald Trump në një deklaratë publike, duke i dhënë një goditje të fortë njërit prej personazheve më të shquar të administratës amerikane.
Musk e quajti Peter Navarron, këshilltarin për tregtinë të Trump, “idiot” dhe “më të trashë se një grumbull tullash”, pasi ekonomisti e quajti atë në një intervistë televizive si “prodhues makinash” dhe e akuzoi për “mbrojtjen e interesave të tij”.
Ky konflikt ka shpërthyer pas disa ditësh, ku Musk, i cili ka investuar më shumë se një çerek miliardi dollarë në fushatën e Trump dhe drejton “Departamentin e Efikasitetit të Qeverisë” (Doge), ka shprehur disa herë pakënaqësinë e tij me politikat tregtare të Shtëpisë së Bardhë. Në një konferencë të organizuar nga nënkryetari i qeverisë italiane, Matteo Salvini, Musk shprehu shpresën se SHBA dhe Europa do të arrijnë një “situatë pa tarifa, duke krijuar de facto një zonë të tregtisë së lirë”. Ai gjithashtu shpërndau një video në platformën e tij sociale X, ku Milton Friedman, avokat i tregut të lirë, lavdëronte virtytet e ekonomisë të globalizuar.
Musk ka kritikuar gjithashtu tarifat e Trump, duke i quajtur ato një “taksë strukturore dhe të përhershme për konsumatorët amerikanë”. / Financial Times
