Gjiganti evropian i industrisë ajrore, Airbus, ka zbuluar dizajnin më të ri për avionin e tij eksperimental ZEROe, i cili do të funksionojë plotësisht me energji elektrike të gjeneruar nga hidrogjeni.
Avioni do të ketë katër motorë, në vend të gjashtë që parashikoheshin fillimisht, ku secili motor do të furnizohet në mënyrë të pavarur.
Ky rikonceptim vjen pas njoftimeve se projekti ZEROe do të vonohet përtej pritshmërive fillestare të kompanisë.
Airbus kishte planifikuar të hidhte në treg një avion me emetim zero deri në vitin 2035, por tani parashikohet që avioni i ri të hyjë në shërbim në gjysmën e dytë të viteve 2030 dhe do të përdoret për udhëtime rajonale./skyweb.al
