Një prej vëllezërve Cela, nga Peqini, të cilët akuzohen nga SPAK se kanë trafikuar 48 ton kokainë nga Amerika Latine në Europë, rezulton të ketë pastruar para nëpërmjet kompanive që blinte në Shqipëri.
Albin Cela, në përgjimet e SPAK, rezulton të ketë pasur rolin e marrjes së shumave të mëdha të parave që vinin në Shqipëri nga aktiviteti kriminal i shitjes së kokakinës.
SPAK thotë, se Albin Cela, rezulton se është ortak në një kompani ndërtimi dhe se në emër të tij janë regjistruar disa akte veprime noteriale si kontrata kredie, kontrata shitje apo dhurimi, pasuri të paluajtshme me fluks në rritje përgjatë periudhës 2021-2023, periudhë kjo që përkon me sjelljen e miliona eurove nga Europa për në Shqipëri nga organizata e vëllait të tij, Ervis Cela. Sipas dosjes hetimore nga SPAK, bëhet fjalë për kompaninë e ndërtimit, “Giam Konstruksion”.
Kjo kopani zotërohet 50% nga Albin Cela, ndërsa 50% zotërohet nga Osman Kokoshi. Duke nisur nga kjo lidhje, Gjithashtu, SPAK ka urdhëruar kontroll edhe në ambientet e “Klajdi Resort”, ku është sekuestruar celulari i pronarit Osman Kokoshi. Po ashtu vijon nën hetim aktiviteti I kompanisë “Giam Konstruksion” të cilën Osman Kokoshi e ka në bashkëpunim me Albin Celën, të cilësuar si truri logjistik që kishin në Shqipëri vëllezërit Cela.
BKH ka dyshime të bazuara, se Albin Cela, me kompaninë e tij është I përfsirë në kryerjen e veprës penale të pastrimit të parave, përmes blerjeve, skemave finaciare dhe injektimin e tyre në ekonomi nëpërmjet kompanive.
Por si u ble për 100 mijë lekë, kompania “Giam Konstruksion” nga Albin Cela dhe Osman Kokoshi?
Ne daten 04.02.2022, ne baze te kontrates se shitjes te kuotave, ortaku Kid Kazazi, zoterues i 100% te kapitalit te shoqerise, shet 50% te kuotave ne favor te Osman Kokoshi dhe 50% te kuotave ne favor te Albin Çela, kundrejt cmimit total 100.000 (njeqind mije leke). Pas shitjes, largohet ortaku Kid Kazazi dhe perberja e shoqerise paraqitet si vijon: Osman Kokoshi dhe Albin Çela, secili zoterues prej 50% te kapitalit.
Historiku i shitjes:
I. Ne daten 15.12.2019, me vendim te ortakut te vetem te shoqerise, u largua administratori i shoqerise Dritan Çullhaj dhe u emerua administratori Kid Kazazi.
II. Ne daten 25.06.2021, me vendim te asamblese se pergjithshme, u largua administratori Kid Kazazi dhe u emerua administratori Alketa Kazazi.
III. Ne daten 10.03.2022, me vendim te asamblese se ortakeve te shoqerise, u largua administratori Alketa Kazazi dhe u emerua administratori Albin Çela.
Emrat e personave nën hetim
Nga hetimet e kryera, SPAK ka identifikuar 16 shtetas shqiptarë si pjesë të kësaj organizate kriminale. Gjykata e Posaçme ka caktuar masën “arrest me burg” për 14 prej tyre dhe “detyrim paraqitje” për dy të tjerë. Mes emrave të njohur përfshihen edhe persona të arrestuar më herët jashtë vendit.
Anëtarët e grupit kriminal të përfshirë që GJKKO dha masën arrest me burg:
•Riza Çela
•Ardian Çela
•Albin Çela
•Elvis Çela (katër vëllezër)
•Fadil, alias Jul Balla – pronar i “Ajman Resort”
•Franc Çopja – i arrestuar në Belgjikë
•Petrit Sulejmani, alias “Lakatos”
•Mariglen Kamami
•Denis Daja
•Renato Musaka
•Vilson Pepa
•Miklovan Mullai
•Gert Çerma
Gjithashtu, SPAK ka urdhëruar kontroll edhe në ambientet e “Klajdi Resort”, ku është sekuestruar celulari i pronarit Osman Kokoshi.
Me masë “detyrim paraqitje”:
8. Dition Pepa – masë “detyrim paraqitje”
9. •Kujtim Gjyla – masë “detyrim paraqitje”
I arrestuar në një vend të BE-së:
10. Franc Çopja
Sekuestrimet e pronave dhe parave në Shqipëri
Me vendimin nr. 543 datë 07.08.2025, Gjykata e Posaçme vendosi sekuestrimin preventiv të 14 pasurive në pronësi të anëtarëve të grupit, përfshirë:
Resorte turistike:
•“Ajman PARK” Resort, Xhafzotaj, Durrës.
Vila dhe apartamente:
•Vilë dy katëshe në Dhërmi, Himarë, tip “ELYSIAN” – vlerë tregu afërsisht 1 milion euro.
•Vilë e porositur në Tiranë, me kontratë të datës 06.11.2024.
Toka dhe ndërtesa:
•Truall dhe ndërtesa në Sharrë, Tiranë.
•Pasuri me status të përkohshëm.
•Tokë arë 5900 m² në Sharrë, Tiranë.
•Pasuri në bashkëpronësi (nr. 349/45).
Shoqëri tregtare dhe aksione:
•Kuota në kompani në Kavajë, Durrës dhe Rrogozhinë.
Automjete:
•Tre automjete të sekuestruara.
Para të sekuestruara gjatë kontrolleve:
•111,800 euro
•4,000 USD
•880,000 lekë
Prokurorët Altin Dumani dhe Vladimir Mara e konsiderojnë këtë organizatë si një nga më të fuqishmet shqiptare që kanë operuar ndonjëherë në trafikun ndërkombëtar të kokainës.
Strukturimi, kapaciteti logjistik dhe qarkullimi masiv i parave i kanë dhënë asaj aftësinë për të ndikuar në çmimin e drogës në tregjet evropiane. /infonews.al
