Hapet tenderi për elektrifikimin e e hekurudhës Tiranë-Rinas-Durrës. Banka Evropiane për rindërtim dhe Zhvillim ka publikuar njoftimin dhe fton të gjitha kompanitë ndërkombëtare të interesuara që të paraqesin ofertat e tyre.
Gara do të jetë e hapur deri në fund të muajit tetor. Faza e pare e procedurës përfshin vetëm propozimin teknik si dhe dokumentet e kualifikimit.
Aktualisht punimet për rindërtimin e linjës hekurudhore Tiranë-Rinas-Durrës vijonë dhe pritet të dorëzohet si gjurmë brenda 3-mujorit të parë 2026. Më pas do të vijohet me elektrifikimin, një projekt me vlerë 27 milionë euro.
Risi e këtij projekti është ndërtimi i stacionit të ri në Rinas, që do të krijojë lidhjen e aeroportit me Stacionin e Trenit. /Skyweb.al
