Qeveria spanjolle ka miratuar një ligj të ri anti-duhan, i cili vendos përgjegjësi direkte mbi prindërit dhe kujdestarët. Nëse fëmijët e mitur kapen duke pirë duhan apo duke përdorur cigare elektronike, gjobat do të aplikohen për prindërit.
Ligji parashikon gjithashtu ndalimin e shitjes së produkteve të duhanit për të miturit dhe kufizimin e reklamave. Masat e reja shtrihen edhe në zgjerimin e zonave ku ndalohet pirja e duhanit, përfshirë universitetet, transportin publik, restorantet, pishinat dhe ambiente të tjera publike.
Autoritetet spanjolle theksojnë se ky vendim synon të mbrojë shëndetin e brezit të ri dhe të ulë përdorimin e duhanit që në moshë të hershme, duke e bërë Spanjën një nga vendet me politikat më të ashpra kundër duhanit në Europë.
Sipas të dhënave të Bashkimit Evropian, rreth një e katërta e njerëzve të moshës 15 vjeç e lart në Spanjë pinë duhan. /Skyweb.al
