Një fluturim i Wizz Air me destinacion Tiranën frenon dhe u detyrua të ndërpriste ngritjen nga pista në Aeroportin e Luton në Londër për shkak të një defekti teknik. Incidenti ndodhi rreth të hënën rreth orës 15:10, në momentin kur avioni po përgatitej të ngrihej nga pista dhe ishte vetëm pak sekonda larg fluturimit.
Në bord ndodhej edhe britaniku Paul Bartlett, 64 vjeç, i cili përshkroi momentin si tepër të frikshëm, pasi ishte diçka e papritur, raporton skyweb.al.
“Avioni kishte marrë shpejtësi dhe po bëheshim gati për shkëputje nga toka. Është ai momenti kur ngrihetpak pjesa e përparme e avionit dhe pastaj shkëputen dhe gomat e pasme. Pikërisht në ate moment pilotët frenuan shumë fortë” u shpreh Bartlett për BBC-në.
Zëdhënës të aeroportit Luton konfirmuan ngjarjen duke thënë se të gjithë pasagjerët zbritën të sigurt dhe se pranë avionit shkoi edhe një zjarrfikëse.
Nga ana e saj, Wizz Air bëri me dije se ndërprerja e ngritjes u krye për shkak të një problemi teknik. /skyweb.al
