Gjashtë persona janë arrestuar nga policisa e Fierit, pas një operacioni për goditjen e veprimtarisë kriminale online të skemave piramidale. Në pranga janë vënë: Arbër Çela, Emanuel Taullau, Flavio Mukaj, Marius Kodra, Brunilda Todi, Brunilda Ndini. Dy persona të tjerë janë shpallur në kërkim.
Këta persona kanë vepruar si agjentë kyç të kësaj skeme mashtruese. Sipas policisë, skema funksiononte mbi modelin klasik piramidal: qytetarët që investonin, udhëzoheshin të sillnin të paktën 5 persona të tjerë në sistem, për të rritur përfitimet e tyre.
Uniformat blu të Fierit sqaruan se “sa më shumë persona të sillje dhe sa me e madhe vlera e investuar, aq më shumë të ardhura të premtuara. Por në të vërtetë, këto nuk ishin investime reale, por një mekanizëm i mirëorganizuar për të përfituar fonde përmes mashtrimit, ku vetëm nivelet më të larta fitonin, ndërsa shumica sidomos pjesa fundore e piramidës humbnin kursimet e tyre”.
Gjatë operacionit janë sekuestruar në cilësinë e provës materiale: 50 aparate celularë, 11 njësi kompjuterike, 1 DVR, 2 hardisk,1 automjet, 4.2 milion lekë, 28 mijë euro, 1750 dollarë dhe 340 franga. Gjithashtu janë ngrirë gjashtë llogari të kriptomonedhave, që dyshohet se janë përdorur për të kanalizuar të ardhurat nga aktiviteti kriminal.
Nisur nga ky rast, Prokuroria e Fierit apelon për ndërgjegjësimin e qytetarëve dhe të jenë të kujdesshëm. Të mos mos besonjnë në “investime të sigurta” që premtojnë fitim të menjëhershëm.
Ky operacion është rezultat i një hetimi disa mujor, që synonte goditjen e një skeme të dyshuar mashtruese piramidale, e cila funksiononte online përmes formave moderne të mashtrimit financiar dhe përdorimit të kriptomonedhave. Operacioni u shtri në qytetet Fier, Tiranë, Dibër, Berat dhe Gramsh dhe u ushtruan gjithsej 83 kontrolle persoansh dhe banesash. /Skyweb.al
