Që nga zgjedhja e tij në maj, Papa Leone XIV ka treguar kujdes të veçantë për ndikimin e inteligjencës artificial mbi njerëzimin. Në një intervistë të fundit, ai zbuloi se kishte refuzuar një propozim për të krijuar një version artificial të vetes, duke paralajmëruar për rreziqet që paraqet kjo teknologji ndaj identitetit njerëzor.
“Nëse ekziston dikush që nuk duhet të përfaqësohet nga një avatar, do të thosha se Papa është një nga ata që është në krye të listës,” u shpreh ai. Më këtë deklaratë Ati i Shenjtë ngre një shqetësim real mbi mënyrën se si teknologjia mund të zëvendësojë lidhjet njerëzore të drejtpërdrejta dhe autenticitetin.
Papa vuri gjithashtu në dukje rrezikun që Inteligjenca Artificiale paraqet për tregun e punës dhe dinjitetin njerëzor. “Nëse e automatizojmë gjithë botën dhe vetëm disa njerëz kanë mundësi… atëherë kemi një problem të madh,” paralajmëroi ai. Sipas Papës, puna është një pjesë thelbësore e identitetit dhe dinjitetit të njeriut, jo thjesht një mjet për të fituar para. /Skyweb.al
