Grupi gjerman “Lufthansa” ka bërë të ditur se deri në vitin 2030 do të shkurtojë rreth 4 000 vende pune administrative, kryesisht në Gjermani.
Vendimi lidhet me procesin e digjitalizimit, përdorimin e inteligjencës artificiale dhe konsolidimin e aktiviteteve mes kompanive të grupit: Lufthansa, Austrian Airlines, Swiss, Brussels Airlines dhe ITA Airways.
Sipas kompanisë, synimi është thellimi i integrimit mes linjave ajrore anëtare dhe eliminimi i kostove të dyfishta që në të ardhmen nuk do të jenë më të nevojshme.
Pavarësisht masave të kursimit, Lufthansa nënvizon se kërkesa për udhëtime ajrore mbetet e lartë dhe kufizimet në kapacitet vazhdojnë të mbajnë avionët plot, duke rritur të ardhurat.
Grupi pret “rritje të ndjeshme të fitimeve” deri në fund të dekadës dhe ka nisur programin më të madh të modernizimit të flotës: mbi 230 avionë të rinj deri në vitin 2030, përfshirë 100 për linjat ndërkontinentale.
Në vitin 2024, Lufthansa kishte 101,709 të punësuar dhe një të ardhur prej 37,6 miliardë euro.
Selia qendrore ndodhet në Këln, ndërsa operacionet drejtohen nga Frankfurti. /skyweb.al
